السلام عليكم ورحمة الله وبركاته
.
.
إحم إحم 
اليوم بحكيكم عن حفلة تخرجنا إلي أمس 
كانت جميله جداً جداَ ولله الحمد طبعاً الحفل المفروض يبدأ الساعه 5 „ بس إحنا عارفين مدرستنا الجميله ماتمشي ع الوقت
عشان كذا مارحنا إلا الساعه 6 ونص „ وللآسف قيدهم بدأو بفقرة البدايه 
إلي أختي الصغيره مشتركه فيها وهي جايه متكشخه بفستان الآيس كريمجو قالوا ترا فقرتها انتهت „ طبعاً ماما انصدمت و إحنا نقول من الحظ XD
المهم ماما راحت كلمتهم وقالوا راح نعيد الفقره بعد الصلاهـ حقت المغرب 
طبعاً لازم يعيدونها لأنه ماأحد جاء ذيك الحزه إلا قليل 
و رحنا جلسنا أنا وأختي في الطاولات و صاحباتي الكريمات لسا ماجوا 
المهم شوية كذا يجون أبلات يقولوا الخريجات يطلعون فوق „ إحم أشرح وش فوق ذي هي القاعه تحت حطوا الضيوف والأمهات قدام المسرح على طول و الممر
وبعدين فيه ورا كذا حاطين دور ثاني فيه زي البلكونه الكبيره إحنا هناك الخريجات رحنا وطلعنا وفي الطرييق رأيت اثنتين من صديقتين دوبهم جايين بعد المغرب =.=
سلمت وقلت إيش التأخير وكذا يعني وبعدين جيينا نطلع فوق قالوا الباب مقفل 
إحنا قلنا من جدكم ؟ جينا نرجع لعند أمهاتنا وقفوا ابلات وقالوا الخريجات فوق طبعاً تفلسفنا
بعدين قالوا روحوا من الباب الثاني .. قلنا فيه باب ثاني وين وحده تقول يمين والثانيه يسار 
بعدين لقينا الباب وطلعنا فوق وأنا لابسه كعب الله لا يوريكم رجلي تفقعت و البنات جايبين جزم فلات الله يكرمكم بعضهم طبعاً و جايبين كعب للزفه بس =.=
اول شيء خشونا مكان مايمدينا نشوف الحفل منه قلنا لاااا مايصير
وبعدين حطونا في البلكونه القميله 
وبدأوا الفقرات طبعاً نصها مافهمتها 
بس فقرات جميله جداً زي بنات من الإبتدائي ماسكين مظلات ويلفلفوا بيها وقريب المغرب بدأ يجون بنات فصلنا المتأخر وصاحباتي 
وهذا وهم من سته وإنا هناك 
وأذن العشاء „ هنا حطولك أذان صلاة الفجر „ الصلاة خير من النوم !! 
لاداعي للتعليق وكان فييه فقره للمتفوقات وأنا منهم و ثنتين من صديقاتي و بنات من فصلنا
أصلاً مابقوا أحد من ثالث إلا حطوه متفوق أهم شيء أنا وصاحباتي دانية ودعاء مانبغى نتحرك الكعب شيء مؤلم
وهم ينادون أسماءنا ونزلنا تحت قالوا دوركم بعد فقرتين „ قولنا مو قلتونا ذحين وناديتونا من فوق
قالوا لا بعد فقرتين ورجعنا طلعنا فوق تباً لهم „ وعدينا فقرتين وقلنا يلا ننزل
نزلنا قالوا لسا باقي فقره طلعنا نشوف الفقره طلعت فقره مسوينها زي حقت خواطر الظلام كانت جميله *^*
بس لنصها ونزلنا „ وتحت شفت أختي الصغنونه غلو وأختي هند لأنهم كانوا من المتفوقات =]
وقالولنا صفوا طابور الموهوبات في جهة و المتفوقات في جهه „ قلت لدانية أنا جنبك لأنه لو طحت
تمسكيني ودعاء قعدت لحالها وبعدين جلسنا نتقاتل مين جنب مين و دورنا مخاليق معنا
و بعدين تقرر أنا مع دانية ودعاء مع أختي 
وطولنا في الوقوف وفصخنا الكعب وووه بعد لمن فصخته رجلي شيء مو طبيعي وحطينا رجلنا بالبلاط الباااارد كان شيء جمييل „ وجوا وقالوا يلا دوركم على طول لبسنا الكعب
وتزبطنا „ وطلعنا بزفه للمسرح „ وشفت ماما وخالاتي يأشرولنا ويصفقوا والأمهات طبعاً
و صفينا على المسرح „ وقالوا إلي تسمع إسمها تروح للمديره قلنا طيب
وبدأوا يقولوا السماء و الأمهات ماأحد يصفق كل وحده لبنتها بس مايصفق إلا إحنا نصفق للبنات „ وبعض الأحيان صراخ لبنت وحده بس
عاد قلت لصاحباتي ترا لتتصفقون لو ماصفقتوا قالوا ولوو راح نصق و اتفقنا
أنا كنت أحسب بينادوا على صاحباتي أول عشان أسماؤهم الحروف حقتهم قبلي
طلعوا ياخذوا على عماها ونادوني قبلهم و صفقوا كويس طلع صوت المهم 
وسلمت على المديره و إلي معها إلي ما أعرف وش شغلتها ليومكم هذا ونزلت نادتني خالتي وسلموا علي وقالوا مبروك ايه صح أخواتي نزلوا قبلي غلو وهند
وحده في أولى ابتدائي و الثاني بثاني ثانوي =]
وأعطيتهم الدرع ورحت أصفق لصاحباتي حرام أتركهم يعني و لمن خلصنا قالوا بسرعه أطلعوا فوق وألبسوا الأرواب حقتكم
ذحين زفتكم „ قلنا نعم ؟ مسرع قالوا بسرررعه وفي طريقنا دعاء وداينة قالوا تعالوا تسلموا على أمهاتنا كلت وسلمنا وطلعنا بسرعه فوق
ولقينا الاوادم لابسين وجاهزين وصافيين سادس تحت عند الباب
و المتوسط فوق و إحنا بيصفون لبسنا بسرعه وصفينا „ إحنا قصار نسبياً فقلنا بنصف أول شيء وحده عاد قصيره مره مها قالت تعالوا معي قدام قلنا طيب ورحنا قدام
و والله بدأت الزفات سادس أول و إختي غيداء منهم و بعدهم المتوسط „ وطولوا وإحنا البنات كلللهم فصخوا الكعب و شويه كذا قالوا يلا ذحين دوركم „ ولبسنا بسرعه و صفينا وبعدين كذا شويه دخلوا سادس لعندنا
.gif)
ويبكووون و أختي غيداء تبكي 
قلت لها وش فيكي تبكين وهي تبكي وصاحباتها ييبكوون تقول أحد قاتلهم واحد وبعدهم المتوسط خرجوا يبكون „ وأناوصاحباتي عيوننا بقبقت @@
قلتلهم ما أبغى أخرج شكلوا في شيء يبكي هناك 
وشويه كذا فتحوا الباب وقالوا يلا أمشوو و بدأت زفتنا عاد هنا قممممممت السعاده و الأمهات يجون ويسلمون على بناتهم ويعطونهم ورد وحركات
والأبلات يباركون لنا و طلعنا الممشى و شفت ماما بغت تبكي =/
و طلعنا وصفينا و وجاء ورد زيياده وجات أختي غلو أدتني ورده وهند أعطتني هديه
من خالاتي كبيير وصاحباتي جاتلهم هدايا كمان „ ونادوني خالاتي وسلمت عليهم وسلمت على ماما
و أعطيتهم الهديه عشان أعرف أسلم
وخلصت الزفه وأنا ياجبل مايهزك ريح مو راضيه أي دمعه تخرج و سلمت على صاحباتي و باركتلهم و على الأبلات وجلسوا يقولون راح توحشونا ياثالث
وأعطونا دروع للتخرج وقعدنا شويه ولمن جينا رايحين قلت لماما دقيقه بأسلم على صاحباتي
وبجيب شنتطي من فوق قالت طيب وسلمت وجيت بطلع فوق قالوا الباب مقفول
أنا وصاحبتي تقوى جلسنا ندور على الأبله إلي معها مفتاح لين قالوا لنا ترا أغرضكم في الجهه الثانيه
وطلعنا أخذناها و نزلنا وقبل ماروح جاتني دانية و سلمت عليها عاد هي بكت في هذه اللحظه 
وأنا صرت أضمها وأقول بلاش „ وأنا مافي دموع الخزان فاضي 
ياخي أنا ما أعرف أبكي خاصة قدام أحد 
وخلصنا بكى وكذا وماما قالت يلا وجلسنا نتصور أنا وخالاتي وأختي غيداء تودع صاحباتها وتضمضم وأنا إنتي من جدك بتشوفينهم السنه الجايه إن شاء الله
بعدين طلع فيه من صاحباتها من بينقل وكذا و عرفت ليش البكاء ذا حزتها
وبعدين خرجنا ومعنا عفش „ وأنا خلاص حدي بذا الكعب صرت أعرج وحمرت رجلي
و ركبنا السياره و إحنا ميتييين جوع ما أكلت من الساعه 11 الصبح
وكان الوقت الساعه 
11 وكذا كان يومنا الجميل يوم تخرجنا خريجات عام 2013
مع صاحباتي الجميلات „ طبعاً ما حكيت عن كل شييء صار بالحفل
لأني لو بحكي ماراح تكفي أي صفحه من جمال ذاك اليوم صديقاتي الجميلات دانية , دعاء , مشاعل , نرسيان , نظميه , ليلى , تقوى
وفاء , عنود , شذى ,
مبرووووك تخرجكم „ ومنجد أحبكم كثيييير 
يامن سكنتم قلبي وفؤادي 
